Sridhar Babu: నదీ జలాలపై రాజీపడే ప్రసక్తేలేదు: శ్రీధర్ బాబు

దిశ, డైనమిక్ బ్యూరో: తెలంగాణ అసెంబ్లీ శీతాకాల సమావేశాలు రేపు ఉదయం 10:30 గంటలకు ప్రారంభం అవుతాయని అసెంబ్లీ వ్యవహారాల శాఖ మంత్రి శ్రీధర్ బాబు అన్నారు. అసెంబ్లీ సమావేశాల నేపథ్యంలో ఇవాళ అసెంబ్లీ అధికారులతో శ్రీధర్ బాబు సమావేశం అయ్యారు. ఈ సందర్భంగా మాట్లాడిన మంత్రి.. సభలో చర్చించే అంశాలను బీఏసీలో ఖరారు చేస్తామన్నారు. ప్రతిపక్షాల అనుమానాలు నివృత్తి చేస్తామని, ప్రజలకు వాస్తవాలను వివరిస్తామన్నారు. నదీ జలాలపై రాజీపడే ప్రసక్తే ఉండదన్నారు. కేసీఆర్ అసెంబ్లీకి రావాలని కోరుకుంటున్నామన్నారు. సభలో ప్రభుత్వం హుందాగా వ్యవహరిస్తుందని చెప్పారు.