ప్రయాణికులకు ఆర్టీసీ బంపర్ ఆఫర్

ప్రయాణికులకు ఆర్టీసీ బంపర్ ఆఫర్

సద్దుల బతుకమ్మ, దసరాకు లక్కీ డ్రా..

తొర్రూర్ డిపో మేనేజర్ పద్మావతి

దిశ తొర్రూర్ : సద్దుల బతుకమ్మ, దసరా పండుగల సందర్బంగా తెలంగాణ రాష్ట్ర రోడ్డు రవాణా సంస్థ (RTC) ప్రత్యేకంగా ప్రయాణికుల కోసం లక్కీ డ్రా కార్యక్రమాన్ని చేపట్టిందని తొర్రూర్ డిపో మేనేజర్ పద్మావతి తెలిపారు. 2025 సెప్టెంబర్ 27 నుండి అక్టోబర్ 6 వరకు RTC రాజధాని, సూపర్ లగ్జరీ, డీలక్స్, సెమీ డీలక్స్ బస్సుల్లో ప్రయాణించే ప్రతి ప్రయాణికులు ఈ లక్కీ డ్రాలో పాల్గొనే అర్హత కలిగి ఉంటారు. ప్రయాణికులు తమ టికెట్ వెనుక భాగంలో పేరు, ఊరు, ఫోన్ నంబర్ రాసి డ్రా బాక్స్‌లో వేసి పాల్గొనవచ్చు.లక్కీ డ్రా అక్టోబర్ 7న వరంగల్ రీజినల్ మేనేజర్ కార్యాలయంలో నిర్వహించబడనుంది.

బహుమతులు :

మొదటి బహుమతి రూ. 25వేలు, రెండవ బహుమతి రూ.15వేలు, మూడవ బహుమతి రూ.10వేలు ఉంటుంది. ప్రయాణికులు RTC బస్సుల్లో ప్రయాణించడమే కాకుండా లక్కీ డ్రా ద్వారా విలువైన బహుమతులు గెలుచుకునే అవకాశాన్ని వినియోగించుకోవాలని తొర్రూర్ డిపో మేనేజర్ పద్మావతి తెలిపారు.