కానిస్టేబుల్ పై దాడి.. ఒకరి అరెస్ట్

దిశ, ఆత్మకూర్: కానిస్టేబుల్ పై దాడి జ‌రిగిన సంఘ‌ట‌న‌లో.. ఒకరు అరెస్ట్ అయ్యారు. ఈ సంఘ‌ట‌న వివ‌రాలు ఇలా ఉన్నాయి. ఆత్మకూరు మండల కేంద్రానికి చెందిన పాండవుల దివ్య, ఆమె మాజీ భర్త పాండవుల కిరణ్ ఇద్ద‌రు గొడ‌వ ప‌డ్డారు. ఈ క్ర‌మంలో 100 డయల్ దివ్య చేయగా పోలీస్ కానిస్టేబుల్స్ ఆర్. ప్రవీణ్ కుమార్, జె . శ్రీనివాస్, ఇద్దరు కానిస్టేబుళ్లు రంగంలోకి దిగారు. ఈ క్ర‌మంలో ప్రవీణ్ కుమార్ అనే కానిస్టేబుల్ పై బూతులు తిడుతూ, దాడికి పాల్ప‌డ్డాడు పాండవుల కిరణ్. దీంతో కానిస్టేబుల్ కాలుకు గాయం అయింది. దీనిపై ప్రవీణ్ కుమార్ ఫిర్యాదు చేశాడు. ఈ నేప‌థ్యంలో పాండవుల కిరణ్ పై కేసు నమోదు చేసి, పరకాల మేజిస్ట్రేట్ ముందు హాజరు పరిచారు. దీంతో 14 రోజుల రిమాండ్ విధించింది మేజిస్ట్రేట్. పోలీసులపై దాడి చేస్తే, క‌ఠిన చ‌ర్య‌లు ఉంటాయ‌ని ఆత్మకూరు సిఐ ఆర్. సంతోష్ హెచ్చ‌రించారు.