ఆరుబయట ఆడుకుంటుండగా వానర దాడి

దిశ, దేవరుప్పుల : కోతుల దాడిలో చిన్నారికి గాయాలైన సంఘటన దేవరుప్పుల మండల కేంద్రంలో చోటు చేసుకుంది. స్థానికులు తెలిపిన వివరాల ప్రకారం దేవరుప్పుల మెయిన్ రోడ్డులో నివాసం ఉంటున్న మారోజు నరేష్ - రేఖ దంపతుల కుమార్తె సాన్వి అనే చిన్నారి ఇంటి ముందు ఆడుకుంటుండగా ఒకే సారి కోతులు దాడి చేశాయి. అది గమనించిన స్థానికులు హుటాహుటిన చికిత్స నిమిత్తం వెంటనే ప్రాథమిక ఆరోగ్య కేంద్రానికి తీసుకెళ్లి వైద్యం అందించారు. మండల వ్యాప్తంగా కోతుల బెడద తీవ్రంగా ఉన్నదని ఆయా గ్రామాల ప్రజలు భయపడుతున్నారు. అధికారులు స్పందించి కోతుల బెడదను నివారించాలని కోరుతున్నారు.