మద్యం బాటిళ్లతో వెళ్తున్న ఆటో బోల్తా

దిశ, డోర్నకల్: బెల్ట్ షాపులకు మద్యం సరఫరా చేసే ఆటో బోల్తా పడిన ఘటన శుక్రవారం మండలంలో చోటుచేసుకుంది. అందుతున్న సమాచారం మేరకు.. మండల కేంద్రంలోని ఓ వైన్ షాప్ కు చెందిన ఆటో ప్రతిరోజు మాదిరిగానే గ్రామాల్లో బెల్ట్ షాపులకు మద్యం సరఫరా చేసి తిరిగి వస్తున్న క్రమంలో ఎదురుగా వచ్చిన వాహనాన్ని తప్పించబోయి బోల్తా పడినట్లు తెలుస్తుంది. ఈ ఘటనలో ఉయ్యాలవాడకు చెందిన బాబు అనే వ్యక్తికి గాయాలైనట్లు సమాచారం. పూర్తి వివరాలు తెలియాల్సి ఉంది.