మీనాక్షి వద్దకు వరంగల్ కాంగ్రెస్ నేతల పంచాయితీ..

* మీనాక్షి నటరాజన్​తో వరంగల్​ఎమ్మెల్యేల భేటీ

* కొండా దంపతులపై.. క్రమశిక్షణ చర్యలు తీసుకోవాలి

* కొండా మురళీ, మంత్రి సురేఖపై ఫిర్యాదు

* విచారణ కమిటీ వేసేందుకు నిర్ణయం

* పారదర్శికంగా విచారణ జరిపిస్తామని నేతలకు హామీ

దిశ, తెలంగాణ బ్యూరో: వరంగల్ కాంగ్రెస్ నేతల పంచాయితీ.. తెలంగాణ రాష్ట్ర వ్యవహారాల ఇంచార్జి మీనాక్షి నటరాజన్​చెంతకు చేరింది. ఇటీవల కొండా మురళీ చేసిన వ్యాఖ్యలు పార్టీలో అంతర్గత విభేదాలు తారాస్థాయికి చేరాయి. రెండు రోజుల క్రితం వరంగల్లో ఎమ్మెల్యే నాయిని రాజేందర్ రెడ్డి క్యాంపు ఆఫీస్ లో భేటీ అయిన నేతలంతా ఆదివారం హైదరాబాద్​ చేరుకున్నారు. హైదర్​గూడలోని ఎమ్మెల్యే క్వార్టర్స్​లో ఏఐసీసీ ఇన్చార్జి మీనాక్షి నటరాజన్​తో కడియం శ్రీహరి, నాయిని రాజేందర్ రెడ్డి, గండ్ర సత్యానారయణ, రేవూరి ప్రకాశ్ రెడ్డి, డీసీసీ అధ్యక్షురాలు ఎర్రబెల్లి స్వర్ణతోపాటు ముఖ్య నేతలు దాదాపు గంటకు పైగా సమావేశం అయ్యారు. ఈసందర్భంగా గడిచిన ఏడాదిగా వరంగల్​లో జరుగుతున్నటువంటి పరిణమాలు, కొండా ఫ్యామిలీకి సంబంధించినటువంటి అంశాలపై ఈ సమావేశంలో చర్చించారు.

కొండా దంపతులపై.. క్రమశిక్షణ చర్యలు తీసుకోవాలి

ఇటీవల జరిగినటువంటి పరిణామాలు, ఆ పరిణామాలు వెనుక ఉన్నటువంటి కారణాలు అన్నింటికీ మీడియా ప్రకటనలకు సంబంధించినటువంటి క్లిప్పింగ్స్, డాక్యూమెంట్స్​తో ఉమ్మడిగా నేతలు ఫిర్యాదు చేశారు. ముఖ్యంగా కొండా మురిళీపై వెంటనే పార్టీ అధిష్టానం క్రమశిక్షణ చర్యలు తీసుకోవాలని పట్టుబట్టారు. ఒకదశలో పార్టీకి మేం కావాలో.. కొండా ఫ్యామిలీ కావాలో తేల్చుకోవాలని కూడా ఎమ్మెల్యేలు మీనాక్షితో పేర్కొన్నట్లు సమాచారం. దీంతో మీనాక్షి నటరాజన్​కొండా మురళీ వ్యాఖ్యలు తమ దృష్టికి వచ్చాయని వారికి తెలిపారు.

కమిటీ వేసేందుకు నిర్ణయం..

వరంగల్ ​కాంగ్రెస్​పార్టీలో జరుగుతన్న అధిపత్య పోరు ముదిరి పాకన పడుతున్నట్లు క్రమంలో అధిష్టానం జోక్యం చేసుకోవాల్సిన అనివార్యత ఏర్పడింది. ఈ వ్యవహారంపై ప్రత్యేకంగా విచారణ కమిటీ వేయాలని ఆమె నిర్ణయం తీసుకున్నారు. ఈ విషయంలో జిల్లాలకు సంబంధం లేనటువంటి నేతలతో పారదర్శికంగా విచారణ జరిపిస్తామి నేతలకు మీనాక్షి హామీ ఇచ్చినట్లు తెలిసింది. ముగ్గురి సభ్యులతో కమిటీ వేయనున్నారు. పార్టీకి సంబంధించిన నాయకులంతా కూడా ఇబ్బంది పడుతున్నామని మీనాక్షి నటరాజన్​కు ముందు చెప్పిన నేపథ్యంలో కమిటీ వేయనున్నారు. అయితే, కొండా మురళీ కామెంట్స్​నేపథ్యంలో స్పందించిన టీపీసీసీ ఛీప్​పరిశీలకులన్నీ నియమించామని చెప్పారు. కానీ ఇప్పటి వరకు పరిశీలకుల పని మొదలు పెట్టినట్లు పరిస్థితి కనిపించలేదు. మీనాక్షి నటరాజన్​కమిటీ వేసి ముగ్గురు సభ్యులతో కమిటీ వేయాలని ఆలోచనతో ఉన్నట్టు ఆమె నేతలకు చెప్పారు. ఈ ముగ్గురు కమిటీ నివేదిక కీలకం కానుండగా నివేదిక అనుగుణంగా అధిష్టానం ఏమేరకు చర్యలు ఉంటాయోనని కాంగ్రెస్​వర్గీయుల్లో సర్వత్రా ఆసక్తి నెలకొంది. మొత్తానికి వరంగల్​కాంగ్రెస్​నేతల మధ్య ఉన్నటువంటి పంచాయతీ ఇంచార్జి మీనాక్షి దాకా చెంతకు చేరడం.. ఈ వ్యవహారానికి పుల్ స్టాఫ్​ఎప్పుడు పడుతుందో? అన్నది వేచిచూడాలి.