TTD : టీటీడీలో తెలంగాణ నుంచి ఐదుగురు సభ్యులు

దిశ, తెలంగాణ బ్యూరో : తిరుమల తిరుపతి దేవస్థానం(TTD) పాలక మండలిని ఏపీ ప్రభుత్వం బుధవారం ప్రకటించింది. 24 మందితో పాలక మండలిని ఏర్పాటు చేసింది. పాలక మండలి చైర్మన్ గా టీవీ-5 అధినేత బీఆర్ నాయుడును నియమించింది. తెలంగాణ నుంచి ఐదుగురిని సభ్యులుగా నియమించింది. నన్నూరి నర్సిరెడ్డి, బూంగనూరు మహేందర్ రెడ్డి, అనుగోలు రంగశ్రీ, బూరగాపు ఆనందసాయి, సుచిత్ర ఎల్ల నియామకం అయ్యారు. పాలక మండలిలో తెలంగాణకు ప్రాతినిధ్యం ఇవ్వడంపై టీడీపీ నాయకులు హర్షం వ్యక్తం చేస్తున్నారు.