ఇంగ్లీష్ మీడియం.. టీచర్లకు 21వ తేదీ నుంచి ట్రైనింగ్
దిశ, తెలంగాణ బ్యూరో: రాష్ట్ర ప్రభుత్వం అన్ని ప్రభుత్వ పాఠశాలల్లో వచ్చే ఏడాది నుంచి ఇంగ్లీష్ మీడియం విద్యాబోధనను అమలు చేయనుంది. కాగా ఉపాధ్యాయులకు ఇవ్వాల్సిన ట్రైనింగ్కు సంబంధించిన షెడ్యూల్ను శుక్రవారం ప్రకటించింది. ఆన్లైన్, ఆఫ్లైన్విధానంగా ఉపాధ్యాయులకు శిక్షణ తరగతులు నిర్వహించనున్నారు. ప్రైమరీ టీచర్లకు, సెకండరీ టీచర్లకు వేర్వేరు తేదీల్లో తరగతుల నిర్వహణ కొనసాగనుంది.
ప్రాథమిక పాఠశాలలకు చెందిన టీచర్లకు ఈనెల 21వ తేదీ నుంచి శిక్షణ తరగతులు ప్రారంభం కానున్నాయి. మూడు విడతల్లో ఈ శిక్షణ కొనసాగనుంది. మొదటి విడతలో భాగంగా ఈనెల 25 వరకు వారికి ఐదు రోజుల పాటు ప్రత్యక్ష పద్ధతిన ట్రైనింగ్ఇచ్చేలా అధికారులు కార్యాచరణ రూపొందించారు. అనంతరం 26వ తేదీ నుంచి ఏప్రిల్16వ తేదీ వరకు ఆఫ్ లైన్విధానంలో ట్రైనింగ్ ఇవ్వనున్నారు. రెండో విడతలో ఈనెల 28 నుంచి ఏప్రిల్ 1 వరకు ఆఫ్లైన్, ఏప్రిల్ 2 నుంచి వచ్చే నెల 23 వరకు ఆన్లైన్లో శిక్షణ ఇవ్వనున్నారు. మూడో విడతలో భాగంగా వచ్చే నెల 4వ తేదీ నుంచి 11 వరకు ఆఫ్లైన్లో, ఏప్రిల్12 నుంచి 30వ తేదీ వరకు ఆఫ్లైన్లో శిక్షణ ఇవ్వనున్నారు.
సెకండరీ స్కూల్ టీచర్లకు ఐదు రోజులు ప్రత్యక్షంగా, మూడు వారాలపాటు పరోక్ష పద్ధతిన శిక్షణ నిర్వహించనున్నారు. సబ్జెక్టులవారీగా రెండు బ్యాచులుగా విభజించి ట్రైనింగ్ఇవ్వనున్నారు. గణితం, ఫిజికల్సైన్స్, బయో సైన్స్, సోషల్బోధించే ఫస్ట్బ్యాచ్టీచర్లకు మార్చి 28 నుంచి ఏప్రిల్23 వరకు, రెండో బ్యాచ్కు ఏప్రిల్11 నుంచి మే 7వ తేదీ వరకు ట్రైనింగ్ఇచ్చేలా కార్యాచరణ రూపొందించారు.
