టీపీసీసీ చీఫ్ కు కరాటే బ్లాక్ బెల్ట్

దిశ, తెలంగాణ బ్యూరో : రాజకీయంగా బిజిబిజి.. టీపీసీసీ అధ్యక్ష బాధ్యతలు.. అధికార పార్టీ కాంగ్రెస్ ఎమ్మెల్సీగా నిరంతరం ప్రజాసేవ.. అయిన కూడా కరాటే అంటే ఎంతో మక్కువ.. ఆయనే మహేశ్​కుమార్​గౌడ్. మార్షల్ ఆర్ట్స్ తన జీవితంలో ఓ భాగం.. ఎంత ఒత్తిడి ఉన్న కరాటే కు సమయం కేటాయించే మహేష్ కుమార్ గౌడ్.. వెస్ట్ మారేడుపల్లి లో వైడబ్ల్యూసీఏలో సోమవారం 3 గంటల పాటు జరిగిన పరీక్షలో మహేష్ కుమార్ గౌడ్ అవలిలాగ నెగ్గారు. దీంతో ఒకినవా మార్షల్ ఆర్ట్స్ అకాడమీ కరాటే బ్లాక్ బెల్ట్ డాన్ 7 అందుకున్నారు. అకాడమీ గ్రాండ్ మాస్టర్ ఎస్. శ్రీనివాసన్ టీపీసీసీ అధ్యక్షులు మహేష్ కుమార్ గౌడ్ బ్లాక్ బెల్ట్ ప్రధాన చేశారు.

ఈ సందర్భంగా మహేశ్​కుమార్​గౌడ్ మాట్లాడుతూ..ఈ సమాజంలో పత్రి ఒక్కరూ క్రీడల పట్ల ఆసక్తి పెంచుకోవాలని సూచించారు. కరాటే మనిషిలో ఆత్మస్థైర్యాన్ని పెంచుతుందని, ప్రస్తుత తరుణంలో కరాటే.. బాలికలకు ఎంతో అవసరం అని అన్నారు. ఆ దిశగా ప్రయత్నం చేసి కరాటేలో శిక్షణ పొందడం మంచిదన్నారు. ఇప్పటి సమాజంలో తల్లిదండ్రులు పిల్లలను ఒక కంప్యూటర్ కిడ్స్ ల తయారు చేస్తూ మానసిక ఒత్తిడికి గురి చేస్తున్నారని.. క్రీడల పట్ల ఆసక్తి చూపించాలని శారీరక ఆరోగ్యానికి క్రీడలు, వ్యాయామం ఎంతో అవసరమని ఈ సందర్భంగా మహేష్ కుమార్ గౌడ్ అన్నారు. తల్లిదండ్రులు క్రీడల పట్ల ప్రోత్సహించాలన్నారు. అందుకే గత నాలుగు రోజుల క్రితం హైదరాబాద్ జాతీయ కరాటే పోటీలను నిర్వహించామన్నారు. భవిష్యత్ లో 2027లో ఆసియా కరాటే పోటీలు కూడా ఇక్కడే నిర్వహిస్తామని ఈసందర్భంగా మహేశ్​కుమార్​గౌడ్​స్పష్టం చేశారు.