HYD Sadar: దున్నపోతుకి రూ.31 వేల విలువ చేసే మద్యం తాగించిన యువకుడు

దిశ, వెబ్‌డెస్క్: హైదరాబాద్‌లో సదర్ ఉత్సవాన్ని(Hyderabad Sadar Festival) చాలా గ్రాండ్‌గా నిర్వహిస్తారు. హైదరాబాద్‌లో స్థిరపడిన తెలంగాణ యాదవులంతా కుటుంబసమేతంగా ఈ ఉత్సవాల్లో పాల్గొంటారు. దీపావళి సందర్భంగా సదర్ పండగ నిర్వహిస్తారు. ఈ వేడుకల్లో యాదవులు తమ దున్నపోతులను ప్రదర్శించడం ఆనవాయితీ. అంతేకాదు.. దున్నపోతులతో కుస్తీ పడుతూ విన్యాసాలు చేస్తూ.. డ్రాన్స్‎లు చేయిస్తారు. ఇది సదర్‎కు స్పెషల్ అట్రాక్షన్‎గా నిలుస్తాయి. అయితే.. సిటీలోని ముషీరాబాద్‌లో ఈసారి సదర్ వేడుకలు అందరినీ ఆకర్షించాయి. ఈ వేడుకల్లో వస్తాద్ గుమాన్ కాళీ దున్నరాజు ప్రత్యేక ఆకర్షణగా నిలిచింది. 2500 కేజీల బరువు.. 7 అడుగుల వెడల్పు ఉన్న ఈ దున్నపోతును మధు యాదవ్ అనే వ్యక్తి కేరళ నుంచి తీసుకొచ్చాడు. సోమవారం ఈ దున్నను సదర్‌లో ప్రదర్శించాడు. దున్నరాజుకు రూ. 31 వేల విలువజేసే రాయల్ సెల్యూట్ 21 ఇయర్స్ ఫుల్ బాటిల్ తాగించారు. ఇందుకు సంబంధించిన ఫొటోలు, వీడియోలు సోషల్ మీడియాలో వైరల్‌గా మారాయి.