TG High Court: బెట్టింగ్ యాప్స్ కేసు.. హైకోర్టులో విష్ణు‌ప్రియకు బిగ్ షాక్

దిశ, వెబ్‌‌‌డెస్క్: బెట్టింగ్ యాప్స్‌ ప్రమోషన్ (Betting Aap Promotion) చేసిన 11 మంది సెలబ్రిటీలు (Celebrities), సోషల్ మీడియా ఇన్‌ఫ్లూయెన్సర్ల (Social media Influencers)పై ఇటీవలే పంజాగుట్ట (Panjagutta), మియాపూర్ (Miyapur) పోలీసులు కేసులు నమోదు చేసి నోటీసులు అందజేసిన విషయం తెలిసిందే. ఈ మేరకు నోటీసులు తీసుకున్న నటి విష్ణుప్రియ (Vishnupriya) ఈ నెల 20న పంజాగుట్ట (Panjagutta) పోలీసుల ఎదుట విచారణకు హాజరయ్యారు. ఈ నెల 25 ఆమె మరోసారి పోలీసుల ఎదుట హాజరు కావాల్సి ఉండగా.. బెట్టింగ్ యాప్స్ కేసులో తనపై నమోదైన రెండు ఎఫ్ఐఆర్‌ (FIR)ను క్వాష్ (Quash) చేయాలంటూ హైకోర్టు (High Court)లో పిటిషన్ దాఖలు చేసింది. ఈ మేరకు ఇవాళ ఆమె పిటిషన్‌పై విచారణ చేపట్టిన ధర్మాసనం ఎఫ్‌ఐఆర్‌ (FIR)ను కొట్టివేసేందుకు, దర్యాప్తుపై స్టే ఇచ్చేందుకు నిరాకరించింది. విచారణలో పోలీసులకు సహకరించాలని విష్ణుప్రియకు.. చట్ట ప్రకారం దర్యాప్తు కొనసాగించాలంటూ పోలీసులకు కోర్టు స్పష్టమైన ఆదేశాలు జారీ చేసింది.