TG GENCO: జెన్‌కో రికార్డు స్థాయిలో విద్యుత్ ఉత్పత్తి.. ప్రభుత్వానికి రూ.900 కోట్ల ఆదా

దిశ, వెబ్‌డెస్క్: రాష్ట్ర చరిత్రలోనే నాగార్జున‌సాగర్‌ (Nagarjuna Sagar)లో జెన్‌కో (GENCO) రికార్డు స్థాయిలో విద్యుత్ ఉత్పత్తిని సాధించింది. ఎగువ రాష్ట్రాల్లో భారీ వర్షాల కారణంలో సాగర్‌లోకి వరద నీరు పోటెత్తిన విషయం తెలిసిందే. ఈ క్రమంలోనే 1,400 మిలియన్ యూనిట్ల లక్ష్యానికి బదులుగా 1,657 మిలియన్ యూనిట్లు విద్యుత్ ఉత్పత్తి సాధించి కేవలం రెండు నెలల్లోనే జెన్‌కో వార్షిక లక్ష్యాన్ని సాధించింది. ఈ అద్భుతంతో రాష్ట్ర ప్రభుత్వానికి రూ.900 కోట్ల ఆర్థిక భారం తగ్గినట్లుగా జెన్‌కో సీఈ మంగేష్ కుమార్ (CE Mangesh Kumar) ధృవీకరించారు. అయితే, ఎగువ నుంచి ఇలాగే వరదలు కొనసాగితే 3 వేల మిలియన్ యూనిట్ల లక్ష్యం సాధిస్తామని పేర్కొన్నారు. KRMB ఆదేశాలతో సాగర్ వద్ద విద్యుత్ ఉత్పత్తి తాత్కాలికంగా నిలిపివేశామని, అంతర్రాష్ట్ర జల వివాదాల ప్రభావంతో విద్యుత్ ఉత్పత్తికి బ్రేక్ పడినా.. తిరిగి తాము విద్యుత్ ఉత్పత్తిని ప్రారంభించామని జెన్‌కో ఉన్నతాధికారులు వెల్లడించారు.