TSPSC కార్యాలయం వద్ద తీవ్ర ఉద్రిక్తత

దిశ, కార్వాన్: నాంపల్లిలోని తెలంగాణ పబ్లిక్ సర్వీస్ కమిషన్ కార్యాలయం ఎదుట బీఎస్పీ కార్యకర్తలు సోమవారం పెద్ద ఎత్తున ధర్నా నిర్వహించారు. దీంతో బీఎస్పీ కార్యకర్తలను పోలీసులు అడ్డుకుని అరెస్ట్ చేశారు. ఈ క్రమంలో అక్కడ ఉద్రిక్తత నెలకొంది. పోలీసులు, బీఎస్సీ కార్యకర్తల మధ్య తోపులాట జరిగింది. ఈ సందర్భంగా వారు మాట్లాడుతూ.. టీఎస్పీఎస్సీలో ఇంటి దొంగలను తక్షణమే అరెస్టు చేయాలన్నారు. బోర్డును పూర్తిగా ప్రక్షాళన చేసిన తర్వాతనే గ్రూప్-1, ఇతర పరీక్షలను నిర్వహించాలని డిమాండ్ చేశారు. నిరసనకారులను అరెస్టు చేసి బేగంబజార్, నాంపల్లి పోలీస్ స్టేషన్‌లకు తరలించారు