ముగిసిన గ్రూప్-2 అప్లికేషన్ గడువు.. ఎంతమంది అప్లై చేశారంటే?

దిశ, డైనమిక్ బ్యూరో: తెలంగాణ గ్రూప్-2 దరఖాస్తు గడువు ముగిసింది. 783 గ్రూప్-2 ఉద్యోగాలకు గాను తెలంగాణ పబ్లిక్ సర్వీస్ కమిషన్ విడుదల చేసిన దరఖాస్తు ప్రక్రియ గురువారం సాయంత్రం 4 గంటల వరకు పూర్తైందని టీఎస్పీఎస్సీ వెల్లడించింది. ఈ మేరకు 5 లక్షల 50 వేల మంది అభ్యర్థులు దరఖాస్తు చేసుకున్నట్లు టీఎస్‭పీఎస్సీ తెలిపింది.

మరికాసేపట్లో మొత్తం దరఖాస్తు చేసుకున్న అభ్యర్థుల సంఖ్య, పూర్తి వివరాలను టీఎస్‭పీఎస్సీ అధికారులు వెల్లడించనున్నారు. టీఎస్పీఎస్సీ గ్రూప్-2 అప్లికేషన్ల ప్రక్రియను జనవరి 18 ప్రారంభించింది. అయితే, గ్రూప్ 4 మాదిరిగా గ్రూప్ 2 దరఖాస్తు గడువు పొడిగిస్తారని ప్రచారం సాగింది. కానీ, గడువును పొడిగించే అవకాశం లేదని టీఎస్పీఎస్సీ స్పష్టం చేసింది.