ముఖ్యమంత్రి పదవిపై శ్రీధర్ బాబు సంచలన వ్యాఖ్యలు

దిశ, వెబ్‌డెస్క్: ముఖ్యమంత్రి పదవిపై మంథని కాంగ్రెస్ ఎమ్మెల్యే, మాజీ మంత్రి శ్రీధర్ బాబు సంచలన వ్యాఖ్యలు చేశారు. మంగళవారం ఆయన మీడియాతో మాట్లాడుతూ.. కాంగ్రెస్‌లో గెలిచిన 64 మంది ఎమ్మెల్యేలూ సీఎం క్యాండిడేట్లే అని కీలక వ్యాఖ్యలు చేశారు. వాళ్లలానే నేనూ అని చెప్పారు. ఎవరికి వారు అనుకుంటే కాదని.. ముఖ్యమంత్రి ఎవరనేది అధిష్టానం నిర్ణయిస్తుందని తెలిపారు. కాగా, మరోవైపు స్పష్టమైన మెజార్టీతో తెలంగాణలో విజయం సాధించినా సీఎం ఎవరనేది కాంగ్రెస్‌ తేల్చుకోలేకపోతోంది.

ఫలితాల వెల్లడై రెండు రోజులవుతున్నా సీఎం ఎవరన్నది హస్తం పార్టీ నిర్ణయించుకోలేకపోతోంది. గెలిచిన ఎమ్మెల్యేల అభిప్రాయాన్ని సేకరించిన డీకే శివకుమార్.. పార్టీ అధిష్టానానికి రిపోర్ట్ సమర్పించారు. అంతకన్నా ముందు భట్టి, ఉత్తమ్‌లతో వేర్వేరుగా డీకే చర్చలు జరిపారు. ఎమ్మెల్యేల అభిప్రాయంతో పాటు ఆ ఇద్దరు నేతల డిమాండ్లను అధిష్టానం ముందు ఉంచారు డీకే. తాజాగా.. మల్లిఖార్జున ఖర్గే నివాసంలో జరిగిన చివరి సమావేశంలో ముఖ్యమంత్రిని ఖరారు చేసినట్లు తెలుస్తోంది. ఇవాళే అధికారికంగా ప్రకటించనున్నట్లూ వార్తలు వినిపిస్తున్నాయి.

Also Read..

ఎంపీ పదవికి రాజీనామా చేయనున్న ఉత్తమ్ కుమార్ రెడ్డి..!