గుడ్ న్యూస్.. హోలీ పండుగ రద్దీకి ప్రత్యేక రైళ్లు.. దక్షిణ మధ్య రైల్వే ప్రకటన

దిశ, డైనమిక్ బ్యూరో: హోలీ పండుగ సందర్భంగా ప్రయాణికుల రద్దీని నియంత్రించేందుకు దక్షిణ మధ్య రైల్వే గుడ్‌న్యూస్ చెప్పింది. పలు మార్గాల్లో నడుస్తున్న ప్రత్యేక రైళ్ల సేవలను పొడిగిస్తున్నట్లు శుక్రవారం ట్వీట్ ద్వారా ప్రకటించింది. ప్రయాణికులకు ఇబ్బందులు లేకుండా సౌకర్యవంతమైన ప్రయాణం కల్పించడమే లక్ష్యంగా ఈ నిర్ణయం తీసుకున్నట్లు వెల్లడించింది. కాచిగూడ-మధురై, మదురై-కాచిగూడ, హైదరాబాద్-కొల్లం, కొల్లం-హైదరాబాద్, హైదరాబాద్-కన్యాకుమారి, కన్యాకుమారి-హైదరాబాద్ మార్గాల్లో ప్రత్యేక రైళ్లను నిర్ణీత కాలపరిమితి వరకు పొడిగించారు.హోలీ పండుగ నేపథ్యంలో ప్రయాణికులు ముందుగానే టికెట్లు బుక్ చేసుకుని, ఇబ్బందుల్లేని ప్రయాణాన్ని ప్రణాళికబద్ధంగా చేపట్టాలని దక్షిణ మధ్య రైల్వే సూచించింది.

పొడిగించిన ప్రత్యేక రైళ్ల వివరాలు..

07191 కాచిగూడ - మదురై : ప్రతి సోమవారం, మార్చి 2 నుంచి మార్చి 23 వరకు (మొత్తం 4 సర్వీసులు)

07192 మదురై - కాచిగూడ : ప్రతి బుధవారం, మార్చి 4 నుంచి మార్చి 25 వరకు (4 సర్వీసులు)

07193 హైదరాబాద్ - కొల్లం : ప్రతి శనివారం, ఫిబ్రవరి 28 నుంచి మార్చి 28 వరకు (5 సర్వీసులు)

07194 కొల్లం - హైదరాబాద్ : ప్రతి సోమవారం, మార్చి 2 నుంచి మార్చి 30 వరకు (5 సర్వీసులు)

07230 హైదరాబాద్ - కన్యాకుమారి : ప్రతి బుధవారం, మార్చి 4 నుంచి మార్చి 25 వరకు (4 సర్వీసులు)

07229 కన్యాకుమారి - హైదరాబాద్ : ప్రతి శుక్రవారం, మార్చి 6 నుంచి మార్చి 27 వరకు (4 సర్వీసులు)