Seethakka: సిబ్బంది వేతనాలు పెంచండి.. కేంద్ర మంత్రికి సీతక్క విజ్ఞప్తి

దిశ, తెలంగాణ బ్యూరో/ డైనమిక్ బ్యూరో: మూడేళ్ల లోపు పిల్లల సంరక్షణ కోసం ఉద్దేశించిన పాలన కేంద్రాల్లో పనిచేసే సిబ్బంది గౌరవ వేతనాలను పెంచాలని కేంద్ర మహిళా శిశు సంక్షేమ శాఖ మంత్రి అన్నపూర్ణ దేవికి రాష్ట్ర మహిళా శిశు సంక్షేమ శాఖ మంత్రి సీతక్క (Minister Seethakka) వినతిపత్రం సమర్పించారు. ఇవాళ మంత్రి అన్నపూర్ణ దేవిని (Annapurna Devi) వారి నివాసంలో సీతక్క మర్యాదపూర్వకంగా కలిశారు. నిర్భయ ఫండ్ కింద ములుగు జిల్లాకు ప్రత్యేకంగా రూ.10 కోట్లు కేటాయించినందుకు ఈ సందర్భంగా సీతక్క ధన్యవాదాలు తెలిపారు. రాష్ట్రానికి వివిధ పథకాల కింద రావాల్సిన నిధుల విడుదలను వేగవంతం చేయాలని విజ్ఞప్తి చేశారు.