సీఎంగా రేవంత్ రెడ్డి.. రాహుల్ గాంధీ ఏమన్నారంటే..?

దిశ, వెబ్‌డెస్క్: తెలంగాణ ముఖ్యమంత్రిగా రేవంత్ రెడ్డి గురు వారం ప్రమాణ స్వీకారం చేయనున్నారు. ఈ సందర్భంగా కాంగ్రెస్ అగ్రనేత రాహుల్ గాంధీ కీలక వ్యాఖ్యలు చేశారు. ఎల్బీ స్టేడియంలో తన ప్రమాణ స్వీకారానికి సోనియా, రాహుల్, ప్రియాంకలను రేవంత్ ఆహ్వానించారు. అనంతరం ఎక్స్ (ట్విట్టర్) వేదికగా రాహుల్ ఆ ఫోటోలను షేర్ చేశారు. ఈ సందర్భంగా స్పందిస్తూ ‘తెలంగాణకు కాబోయే సీఎం రేవంత్ రెడ్డికి శుభాకాంక్షులు. ఆయన లీడర్‌షిప్‌లో ఏర్పడే కాంగ్రెస్ ప్రభుత్వం.. ఇచ్చిన వాగ్ధానాలను అమలు చేస్తుంది. ప్రజలకు ఇచ్చిన హామీలను నెరవేర్చి ప్రజా ప్రభుత్వాన్ని నిర్మిస్తాం.’ అని రాహుల్ గాంధీ ట్వీట్ చేశారు.