‘దిశ’ వార్తకు స్పందన.. జెప్టో షెడ్డు కూల్చివేత

దిశ, తెలంగాణ బ్యూరో: సైబరాబాద్ మున్సిపల్ కార్పొరేషన్ (సీఎంసీ) ఏరియాలో మాదాపూర్ సర్కిల్ జూబ్లీఎంక్లేవ్‌లో ఏలాంటి అనుమతి లేకుండా నిర్మించిన జెప్టో షెడ్డును టౌన్ ప్లానింగ్ అధికారులు శనివారం కూల్చివేశారు. ‘దిశ’ పత్రికలో ‘జెప్టో బరితెగింపు’ శీర్షికతో శనివారం ప్రచురితమైన వార్తకు స్పందించిన సీఎంసీ అధికారులు షెడ్డును కూల్చివేశారు. అయితే, అనుమతి లేకుండా నిర్మించిన షెడ్డును మాదాపూర్ సర్కిల్ అధికారులు రెండు సార్లు సీజ్ చేశారు. అయినా అధికారుల ఆదేశాలను లెక్క చేయకుండా కార్యకలాపాలు నిర్వహిస్తుండడంతో టౌన్ ప్లానింగ్ అధికారులు కూల్చివేశారు.