ఎట్టకేలకు 'సింగరేణి' ఎన్నికల నోటిఫికేషన్

దిశ, డైనమిక్ బ్యూరో: సింగరేణిలో కార్మిక సంఘం గుర్తింపు ఎన్నికలకు నోటిఫికేషన్ విడుదలైంది. అక్టోబర్ 28న ఎన్నికలు నిర్వహించనున్నట్ల డిప్యూటీ సీఎల్సీ ప్రకటించారు. అక్టోబర్ 6,7 తేదీల్లో నామినేషన్ల స్వీకరణకు అవకాశం కల్పించారు. ఆ తర్వాత నామినేషన్ల స్క్రూటిని, ఉపసంహరణకు అవకాశం ఉంటుంది. 28న పోలింగ్ నిర్వహించి అదే రోజు కౌంటింగ్ జరపనున్నారు. కాగా 2019లోనే గుర్తింపు కార్మిక సంఘం కాలపరిమితి ముగిసింది. రాష్ట్ర ప్రభుత్వం నాలుగేళ్లుగా ఎన్నికలు నిర్వహించకుండా ఏదో కారణంతో వాయిదా వేస్తోంది. ఈ మేరకు అక్టోబర్ లో ఎన్నికలు నిర్వహించాలని హైకోర్టు నిన్న తేల్చి చెప్పింది. ఈ నేపథ్యంలో బుధవారం డిప్యూటీ సీఎల్‌సీ బుధవారం నోటిఫికేషన్ విడుదల చేశారు. అసెంబ్లీ ఎన్నికలకు ముంగిట్లో జరుగుతున్న సింగరేణి ఎన్నికలు ప్రభుత్వానికి రెఫరెండంగా మారుతాయనే అంచనాలు రాజకీయ వర్గాల్లో వ్యక్తం అవుతోంది.