ఇసుక ట్రాక్టర్ పట్టివేత : ఎస్సై గిరి

దిశ, కుల్కచర్ల : అక్రమంగా ఇసుక తరలిస్తున్న ట్రాక్టర్ ను కుల్కచర్ల పోలీసులు బుధవారం తెల్లవారుజామున పట్టుకున్నారు. మండలంలోని పటేల్ చెరువు తండా శివారులలో పోలీసులు గస్తీనిర్వహిస్తుండగా గండి చెరువు తండాకు చెందిన చాపల.తిరుపతయ్య ట్రాక్టర్ లో ఇసుక నింపుకొని వస్తూ ఎదురయ్యారు.

అతనిని ఆపి అనుమతి పత్రాలు అడగగా సమాధానం లేకపోవడంతో ట్రాక్టర్ ను పోలీస్ స్టేషన్ కు తరలించి వారిపై కేసునమోదు చేసినట్లు ఎస్సై గిరి తెలిపారు. ఈ సందర్బంగా ఆయన మాట్లాడుతూ అక్రమంగా ఇసుక రవాణా చేస్తే కఠిన చర్యలు తప్పవన్నారు.