ఓటు వేసిన కొడంగల్ బీఆర్ఎస్ అభ్యర్థి దంపతులు

దిశ, కొడంగల్ : బీఆర్ఎస్ పార్టీ అభ్యర్థి నరేందర్ రెడ్డి దంపతులు కొడంగల్ వెంకటేశ్వర స్వామిని కుటుంబ సమేతంగా దర్శించుకున్నారు. తదుపరి కోస్గి మండలం మీర్జాపూర్ గ్రామంలో నరేందర్ రెడ్డి సతీమణి శృతి, కుమారుడు హితేష్ వారి కుమార్తెతో కలిసి ఓటు హక్కును వినియోగించుకున్నారు.

ఈ సందర్భంగా వారు మాట్లాడుతూ నియోజకవర్గంలోని కొడంగల్ ప్రజలంతా సుభిక్షంగా ఉండాలని ప్రతి ఓటరు తమ ఓటు హక్కును వినియోగించుకొని మంచి నాయకున్ని ఎన్నుకోవాలని పిలుపునిచ్చారు. ప్రతి ఓటరు తమ ఓటు హక్కుతోనే నియోజక వర్గం, రాష్ట్ర పురోగతిని అభివృద్ధి పథంలోకి తీసుకెళ్లడానికి అమూల్యమైన అవకాశమని అన్నారు.