TG: రంజాన్ మాసం... ఉద్యోగులు గంట ముందుగానే ఇంటికి వెళ్లేందుకు అనుమతి

దిశ, డైనమిక్ బ్యూరో: పవిత్ర రంజాన్ మాసాన్ని పురస్కరించుకుని ముస్లిం ఉద్యోగుల విషయంలో రాష్ట్ర ప్రభుత్వం కీలక నిర్ణయం తీసుకుంది. ప్రభుత్వ రంగ సంస్థల్లో పని చేస్తున్న రెగ్యులర్, ఒప్పంద, పొరుగు సేవల ముస్లిం ఉద్యోగులు/ ఉపాధ్యాయులు తమ కార్యాలయాలు, స్కూళ్ల నుంచి ఒక గంట ముందుగా బయలుదేరడానికి వెసులుబాటు కల్పించింది. ఈ నెల 19వ తేదీ నుంచి వచ్చే నెల 20వ తేదీ వరకు ఈ వెసులుబాటు అమల్లో ఉంటుందని పేర్కొంది. ఈ మేరకు సీఎస్ కె.రామకృష్ణ రావు మంగళవారం ఉత్తర్వులు జారీ చేశారు.