BRS పార్టీ టైటానిక్ పడవ లాంటిది.. రఘునందన్ రావు సెటైర్

దిశ, వెబ్‌డెస్క్: కీలక నేతలంతా వరుసగా బీఆర్ఎస్‌కు గుడ్ బై చెబుతున్న పరిణామాలపై బీజేపీ మెదక్ పార్లమెంట్ అభ్యర్థి రఘునందన్ రావు స్పందించారు. శుక్రవారం ఆయన జిల్లాలో ఎన్నికల ప్రచారం నిర్వహించారు. ఈ సందర్భంగా మాట్లాడుతూ.. బీఆర్ఎస్ పార్టీ మునిగిపోయే నావా అని అన్నారు. ఎప్పుడు మునిగిపోతుందో తెలియని పరిస్థితి ఆ పార్టీలో నెలకొందని విమర్శించారు. కొట్లాడి టికెట్లు తెచ్చుకోవాల్సిన పరిస్థితి నుంచి ఇచ్చిన టికెట్లను కూడా కాదనుకొని కారు దిగి వెళ్లిపోతున్నారంటేనే ఆ పార్టీ ఓటమి ఖాయమని అర్ధం చేసుకోవాలని అన్నారు. వచ్చే ఎన్నికల్లో బీఆర్ఎస్ నుంచి ఒక్క అభ్యర్థి గెలవడు అని తెల్చి చెప్పారు. కాంగ్రెస్, బీజేపీ మధ్యే పోటీ ఉంటుందని అన్నారు. మెజార్టీ సీట్లు బీజేపీ గెలుచుకుంటుందని ధీమా వ్యక్తం చేశారు.