తెలంగాణకు ప్రధాని మోడీ గుడ్ న్యూస్
దిశ, డైనమిక్ బ్యూరో: ప్రధాని నరేంద్ర మోడీ తెలంగాణకు గుడ్ న్యూస్ చెప్పారు. దేశంలో ఏడు మెగా టెక్స్ టైల్ పార్కులు ఏర్పాటు చేయనున్నట్లు ప్రధాని శుక్రవారం ప్రకటించారు. పీఎం మిత్ర పేరుతో తెలంగాణ, తమిళనాడు, కర్ణాటక, మహారాష్ట్ర, గుజరాత్, మధ్యప్రదేశ్, ఉత్తర ప్రదేశ్‌లో ఈ మెగా టెక్స్ టైల్స్ పార్కులను ఏర్పాటు చేయబోతున్నట్లు తెలిపారు. వీటి ఏర్పాటుతో పెద్ద మొత్తంలో పెట్టుబడులు వస్తాయని, లక్షలాది మందికి ఉద్యోగ అవకాశాలు లభిస్తాయని ప్రధాని ఆశాభావం వ్యక్తం చేశారు. ఈ పార్కుల ఏర్పాటు 'మేక్ ఇన్ ఇండియా', 'మేక్ ఫర్ ది వరల్డ్' కు గొప్ప ఉదాహరణ అవుతుందన్నారు. 5ఎఫ్ (ఫార్మ్, ఫైబర్, ఫ్యాక్టరీ, ఫ్యాన్, ఫారిన్) దృష్టితో టెక్స్ టైల్స్ రంగాన్ని బలోపేతం చేస్తాయని ప్రధాని ట్వీట్ చేశారు.
PM MITRA mega textile parks will boost the textiles sector in line with 5F (Farm to Fibre to Factory to Fashion to Foreign) vision. Glad to share that PM MITRA mega textile parks would be set up in Tamil Nadu, Telangana, Karnataka, Maharashtra, Gujarat, MP and UP.
— Narendra Modi (@narendramodi) March 17, 2023
