Ugadi: ఉగాది ఒక ప్రత్యేక పండుగ! తెలుగులో ప్రధాని మోడీ ట్వీట్ వైరల్

దిశ, డైనమిక్ బ్యూరో: ప్రధాని నరేంద్ర మోడీ (PM Modi) ఉగాది పర్వదినం సందర్భంగా తెలుగు ప్రజలందరికీ శుభాకాంక్షలు తెలియజేశారు. ఈ మేరకు ఆయన ఎక్స్ వేదికగా తెలుగులో విషెస్ తెలుపుతూ ట్వీట్ చేశారు. (Ugadi festival) ఇది ఆశ, ఉత్సాహాలతో ముడిపడి ఉన్న ఒక ప్రత్యేక పండుగ అని, ఈ కొత్త సంవత్సరం ప్రతి ఒక్కరి జీవితాల్లో ఆనందాన్ని, శ్రేయస్సును, విజయాలనీ తీసుకురావాలని ప్రార్థిస్తున్నానని పేర్కొన్నారు. సంతోష, సామరస్యాల స్పూర్తి వృద్ధి చెందుతూ మరింతగా వర్ధిల్లుతుందని ఆకాంక్షించారు. తెలుగులో ప్రధాని విషెస్ చెప్పడంతో.. ఇందుకు సంబంధించిన ట్వీట్ నెట్టింట వైరల్‌గా మారింది.