గిటార్ వాయించి.. పూరీలు చేసి! తెలంగాణ పబ్లిక్ స్కూల్ ప్రారంభోత్సవంలో ఆసక్తికర దృశ్యాలు

దిశ, డైనమిక్ బ్యూరో: రంగారెడ్డి జిల్లా ఆరుట్లలో తొలి తెలంగాణ పబ్లిక్‌ స్కూల్‌ను రాష్ట్ర ప్రభుత్వం నిర్మించింది. కార్పోరేట్ స్థాయి, అంతర్జాతీయ ప్రమాణాలతో నిర్మించిన ఈ పాఠశాలను సీఎం రేవంత్‌రెడ్డి (CM Revanth reddy) బుధవారం ప్రారంభించారు. ఈ సందర్భంగా పాఠశాల ప్రాంగణంలో సీఎం కలియతిరిగారు. విద్యార్థులతో కలిసి అల్పాహారం చేశారు. తర్వాత అత్యాధునిక కిచెన్‌, ల్యాబ్స్‌, లైబ్రరీ, డిజిటల్‌ క్లాస్‌రూమ్స్‌, మ్యూజిక్ క్లాస్‌రూమ్, ప్లే గ్రౌండ్‌ను పరిశీలించారు. ఈ క్రమంలోనే అత్యాధునిక కిచెన్‌లో సిబ్బందితో కలిసి సీఎం పూరీలు చేశారు. తర్వాత మ్యూజిక్ క్లాస్ రూమ్‌కు వెళ్లి గిటార్ ప్లే చేశారు. అనంతరం ప్లే గ్రౌండ్‌‌ను సందర్శించి సరదాగా విద్యార్థులతో ఫుట్‌బాల్‌ ఆడారు. ఇందుకు సంబంధించిన దృశ్యాలు అందరినీ ఆకట్టుకున్నాయి.