పంచాయతీ కార్యదర్శుల స్పోర్ట్స్ కోటా ఫలితాలు విడుదల

దిశ, తెలంగాణ బ్యూరో : స్పోర్ట్స్​కోటా​పంచాయతీ కార్యదర్శుల పోస్టులను ప్రభుత్వం భర్తీ చేసింది. ఈ మేరకు 172 మంది అర్హులైన వారి ఫలితాలను విడుదల చేసింది. 2019లో జూనియర్​ పంచాయతీ కార్యదర్శుల నియామకం సమయంలో స్పోర్ట్స్ కోటా పోస్టులను భర్తీ చేయాలని నిర్ణయించింది. మార్గదర్శకాలపై అభ్యంతరం తెలుపుతూ కొందరు కోర్టుకు వెళ్లారు. దీంతో స్పోర్ట్స్​కోటా పోస్టులను భర్తీ చేయవద్దని ఆదేశించింది. ఈ నేపథ్యంలో 2021లో ప్రత్యేకంగా స్పోర్ట్స్​కోటా పంచాయతీ కార్యదర్శుల నియామకానికి నోటిఫికేషన్​విడుదల చేశారు. దీనిపై కూడా కొందరు కోర్టును ఆశ్రయించారు. దీంతో ఆనాటి నుంచి ఫలితాలను అధికారికంగా ప్రకటించకుండా నిలిపివేశారు. ఇటీవల కోర్టులో పిటిషన్​కొట్టివేయడంతో పంచాయతీరాజ్​శాఖ ఫలితాలను విడుదల చేసింది. వీరికి త్వరలోనే నియామక పత్రాలను అందిస్తారు. ఈ ఫలితాలను https://tspr.tsprrecruitment.in/Results.aspx లో చూసుకోవచ్చని పంచాయతీరాజ్​శాఖ అధికారులు తెలిపారు.