HYD: సిటీ బస్సులో ఆన్లైన్ టికెట్ విధానం

దిశ, తెలంగాణ బ్యూరో: సిటీ ఆర్టీసీ బస్సుల్లో ఆన్​లైన్​టికెటింగ్ విధానాన్ని తీసుకొస్తున్నట్లు ఆర్టీసీ శనివారం ప్రకటించింది. ప్యాసింజర్లకు, కండక్టర్లకు మధ్య చిల్లర గొడవలకు స్వస్తి పలికేందుకు నిర్ణయం తీసుకుంది. సిటీ బస్సుల్లో క్యూ ఆర్ కోడ్ స్కానింగ్‌తో ప్రయాణం చేయవచ్చునని వెల్లడించింది. ఇక నుంచి యూపీఐ పేమెంట్స్ ద్వారా ఆర్టీసీ బస్సుల్లో టికెట్ తీసుకునే వెసులుబాటు కల్పిస్తున్నట్లు అధికారులు తెలిపారు. ఆటోమేటిక్ ఫేర్ కలెక్షన్ సిస్టంలో భాగంగా ఆన్​లైన్ టికెటింగ్ తీసుకొచ్చామన్నారు. త్వరలోనే మరిన్ని ఆన్​లైన్​సేవలు అందుబాటులోకీ వస్తాయని చెప్పారు.