Kavitha: రాత్రికి రాత్రే కవిత ఫ్లెక్సీలు, హోర్డింగులు తొలగింపు.. జాగృతి నాయకుల ఆగ్రహం

దిశ, డైనమిక్ బ్యూరో: తెలంగాణ జాగృతి అధ్యక్షురాలు కల్వకుంట్ల కవిత జాగృతి ‘జనం బాట’ కార్యక్రమంలో భాగంగా నల్గొండలో పర్యటిస్తున్నారు. ఈ నేపథ్యంలో జాగృతి నాయకులు పట్టణ వ్యాప్తంగా కవిత చిత్రాలతో కూడిన ఫ్లెక్సీలు, హోర్డింగులు ఏర్పాటు చేశారు. అయితే, రాత్రికి రాత్రే మున్సిపల్ అధికారులు ఆ హోర్డింగులు, ఫ్లెక్సీలను తొలగించినట్లు తెలుస్తోంది. దీనిపై జాగృతి నాయకులు ఆగ్రహం వ్యక్తం చేస్తూ, ఇది అనవసర చర్య అని విమర్శలు గుప్పించారు. ప్రజలతో కవిత సమావేశం నేపథ్యంలో నగరంలో ఫ్లెక్సీలు తీసేయడం రాజకీయ ఉద్దేశ్యపూర్వకమా అనే చర్చ స్థానికంగా జోరుగా నడుస్తోంది.