తండ్రి కేసీఆర్‌కు ధన్యవాదాలు తెలిపిన KTR.. ఎందుకోసమంటే..?

దిశ, తెలంగాణ బ్యూరో: సిరిసిల్ల మెడికల్ కాలేజీలో ఈ సంవత్సరం నుంచి అడ్మిషన్లకు అనుమతి లభించింది. ఈ సందర్భంగా మంత్రి కేటీఆర్ సీఎం కేసీఆర్‌కు ధన్యవాదాలు తెలిపారు. సిరిసిల్ల జిల్లాకు మెడికల్ కాలేజ్‌ని కేటాయించడంతో పాటు దానికి అవసరమైన అన్ని రకాల సహాయ సహకారాలు అందిస్తున్న ముఖ్యమంత్రికి సిరిసిల్ల జిల్లా ప్రజలు ఎల్లప్పుడూ రుణపడి ఉంటారని కేటీఆర్​ శనివారం ఓ ప్రకటనలో తెలిపారు. సిరిసిల్ల మెడికల్ కాలేజీలో ఈ విద్యా సంవత్సరం నుంచి ప్రవేశాలను చేపట్టేందుకు నేషనల్ మెడికల్ కమిషన్ ఫర్ మెడికల్ అసెస్మెంట్ అండ్ రేటింగ్ బోర్డ్ అనుమతులను ఇచ్చిన నేపథ్యంలో కాలోజీ నారాయణరావు హెల్త్ యూనివర్సిటీ ఆధ్వర్యంలో 100 ఎంబీబీఎస్​ సీట్లకు అడ్మిషన్లను స్వీకరించనున్నారు.