తూనికలు కొలతల శాఖ అధికారుల ఆకస్మిక తనిఖీలు

దిశ, కమ్మర్ పల్లి : మండలంలో తూనికలు కొలతల శాఖ అధికారులు శుక్రవారం సాయంత్రం ఆకస్మిక తనిఖీలు నిర్వహించినట్లు జిల్లా అధికారి మహమ్మద్ సుజాత్ అలి తెలిపారు. పలు కిరాణా షాప్, చికెన్ షాప్, రేషన్ షాప్, హార్డ్ వేర్ తదితర దుకాణాలలో తనిఖీలు నిర్వహించారు. ప్రతివ్యాపారి నిబంధనలు తప్పనిసరిగా పాటించాలన్నారు. నిర్ణీత కాలపరిమితి పూర్తయిన వెంటనే తిరిగి కాటాలకు అనుమతి తీసుకోవటం, తూకం రాళ్లకు ముద్రలు వేయించుకోవటం చేయాలన్నారు. నిర్ణీత గరిష్ఠ ధరలు (ఎంఆర్పీ) కంటే ఎక్కువ విక్రయిస్తే చర్యలు తప్పవన్నారు. ముందు ముందు తనిఖీలు ముమ్మరం చేస్తామని తెలిపారు. ఆయన వెంట సురేందర్ రావు, సత్యనారాయణ, లింగారెడ్డి, సిబ్బంది పాల్గొన్నారు.