మంత్రిని కలిసిన ఎమ్మెల్యే తోట..

దిశ, జుక్కల్ : జుక్కల్ ఎమ్మెల్యే తోట లక్ష్మీ కాంతారావు అటవీ & దేవాదాయ శాఖ మంత్రి కొండా సురేఖని హైదరాబాద్ లోని వారి నివాసంలో మర్యాదపూర్వకంగా కలిసి దీపావళి శుభాకాంక్షలు తెలియజేశారు. ఈ సందర్బంగా జుక్కల్ నియోజకవర్గంలో అన్యాక్రాంతం అయిన దేవాలయ భూములను ప్రభుత్వం తిరిగి స్వాధీనం చేసుకొని దేవాలయాలకు అప్పగించాలని కోరారు. ఈ భూములలో పామాయిల్ మొక్కల పెంపకాన్ని చేపట్టి దేవాలయాలకు ఆదాయాన్ని సమకూర్చే విధంగా చర్యలు చేపట్టాలని మంత్రిని విజ్ఞప్తి చేశారు.