తెలంగాణ విశ్వవిద్యాలయ పరిధిలో పరీక్షలు వాయిదా

దిశ ప్రతినిధి, నిజామాబాద్: విస్తారంగా కురుస్తున్న వర్షాల కారణంగా తెలంగాణ విశ్వ విద్యాలయ పరిధిలో ఆగస్టు 28న (గురువారం) జరగాల్సిన పీజీ/బీఎడ్/ ఎమ్మేడ్ పరీక్షలను వాయిదా వేస్తున్నట్లు పరీక్షల నియంత్రణ అధికారి ప్రొఫెసర్ కే సంపత్ కుమార్ తెలిపారు. ఈ మేరకు ఆయన బుధవారం మీడియాకు ఒక ప్రకటన విడుదల చేశారు. మిగిలిన పరీక్షలు యధావిధిగా కొనసాగుతాయన్నారు. వాయిదా పడిన పరీక్ష తేదీని తదుపరి ప్రకటిస్తామన్నారు.