Chikoti Manoj Kumar : చీకోటి మనోజ్ కుమార్ కు పిట్లం వ్యవసాయ మార్కెట్ కమిటీ చైర్మన్ పదవి..

దిశ, నిజాంసాగర్ : పిట్లం వ్యవసాయ మార్కెట్ కమిటీ చైర్మన్ పీఠాన్ని కాంగ్రెస్ పార్టీ యువ నాయకుడు చికోటి మనోజ్ కుమార్ కైవసం చేసుకున్నట్లు విశ్వసనీయ వర్గాల ద్వారా సమాచారం అందింది. నిజాంసాగర్ మండలంలోని మాగి గ్రామానికి చెందిన కాంగ్రెస్ పార్టీ యువ నాయకుడు చీకోటి మనోజ్ కుమార్ కాంగ్రెస్ పార్టీలో క్రియాశీలకంగా వ్యవహరిస్తూ, జుక్కల్ ఎమ్మెల్యే తోట లక్ష్మీ కాంతారావు ముఖ్య అనుచరుడిగా పేరొందిన చికోటి మనోజ్ కుమార్ పిట్లం వ్యవసాయ మార్కెట్ కమిటీ నూతన చైర్మన్ గా, అలాగే వైస్ చైర్మన్ గా మారెడ్డి కృష్ణారెడ్డిలను నియమిస్తూ తెలంగాణ కాంగ్రెస్ ప్రభుత్వం మంగళవారం ఉత్తర్వులను జారీ చేసింది. పిట్లం మార్కెట్ కమిటీ చైర్మన్ గా త్వరలో ప్రమాణ స్వీకారం చేయనున్నట్లు కాంగ్రెస్ పార్టీ నాయకుల ద్వారా తెలిసింది.