అక్రమంగా ఇసుక తరలిస్తున్న 3 ట్రాక్టర్లపై కేసు న‌మోదు

దిశ, నిజాంసాగర్ : ఎలాంటి ప్రభుత్వ అనుమతులు లేకుండా ఇసుకను అక్రమంగా తరలిస్తున్న 3 ట్రాక్టర్ల పై కేసు నమోదు చేసినట్లు నిజాంసాగర్ ఎస్ఐ శివకుమార్ తెలిపారు. నిజాంసాగర్ మండల కేంద్రంలో ఆదివారం రాత్రి అచ్చంపేట గ్రామానికి చెందిన ఒక ట్రాక్టర్, సోమవారం ఉదయం మాగి గ్రామానికి చెందిన రెండు ట్రాక్టర్ ల ద్వారా గ్రామ శివారులో గల మంజీరా నుంచి ఎలాంటి అనుమతులు తీసుకోకుండా యదేచ్ఛ‌గా ఇసుక అక్రమ రవాణా చేస్తుండ‌టంతో ఆ ట్రాక్ట‌ర్ల‌ను స్వాధీనం చేసుకొని కేసు నమోదు చేసినట్లు ఎస్సై వెల్లడించారు. ప్రభుత్వ అనుమతులు లేకుండా ఇసుకను అక్రమ రవాణా చేస్తే ఎంతటి వారైనా ఉపేక్షించేది లేదని.. కేసు నమోదు చేయడంతో పాటు వాహనాన్ని సైతం జప్తు చేసుకుంటామని ఎస్ఐ వెల్లడించారు.