ఉత్తమ ఉపాధ్యాయ అవార్డు అందుకున్న వెంకటాపురం సతీష్

దిశ, గుర్రంపోడు: బాలాజీనగర్ పాఠశాలలో విధులు నిర్వహిస్తున్న పాల్వాయి గ్రామానికి చెందిన వెంకటాపురం సతీష్ జిల్లా ఉత్తమ ఉపాధ్యాయునిగా ఎంపికయ్యారు. మంత్రి కోమటిరెడ్డి వెంకటరెడ్డి , నల్గొండ ఎంపీ కుందూరు రఘువీర్ రెడ్డి చేతుల మీదుగా సతీష్ ఘనంగా అవార్డును స్వీకరించారు. ఈ సందర్భాన్ని పురస్కరించుకుని సతీష్ మాట్లాడుతూ, “ఈ అవార్డు నా ఒక్కరి కృషి కాదు. పాఠశాల సిబ్బంది సహకారం, విద్యార్థుల కృషి, గ్రామ ప్రజల ప్రోత్సాహం వల్లే సాధ్యమైంది. భవిష్యత్తులో మరింత సేవ చేయడానికి ఇది నాకు ప్రేరణగా నిలుస్తుంది” అని అన్నారు.