బీజేపీ తెలంగాణ రాష్ట్ర ఎండోమెంట్ సెల్ జాయింట్ కన్వీనర్గా వనం సుజాత నియామకం
బీజేపీ తెలంగాణ ఎండోమెంట్ సెల్ రాష్ట్ర కమిటీ జాయింట్ కన్వీనర్లు, జిల్లా కన్వీనర్లు, కో-కన్వీనర్లు, జిల్లా జాయింట్ కన్వీనర్ల నియామకాలకు రాష్ట్ర పార్టీ నాయకత్వం అధికారికంగా ఆమోదం తెలిపింది.
దిశ, దేవరకొండ టౌన్: భారతీయ జనతా పార్టీ (BJP) తెలంగాణ ఎండోమెంట్ సెల్ రాష్ట్ర కమిటీ జాయింట్ కన్వీనర్లు, జిల్లా కన్వీనర్లు, కో-కన్వీనర్లు మరియు జిల్లా జాయింట్ కన్వీనర్ల నియామకాలకు రాష్ట్ర పార్టీ నాయకత్వం అధికారికంగా ఆమోదం తెలిపింది. ఈ నేపథ్యంలో తెలంగాణ రాష్ట్ర ఎండోమెంట్ సెల్ (ధార్మిక) జాయింట్ కన్వీనర్గా, నల్లగొండ మరియు సూర్యాపేట జిల్లాల ఇంచార్జ్గా వనం సుజాత నియమితులయ్యారు. ఈ సందర్భంగా వనం సుజాత మరియు నూతన కమిటీ సభ్యులు ఒక ఉమ్మడి ప్రకటనను విడుదల చేశారు. తనకు ఈ కీలక బాధ్యతలను అప్పగించి, పార్టీకి మరియు దేశానికి సేవ చేసే గొప్ప అవకాశాన్ని కల్పించినందుకు బీజేపీ రాష్ట్ర అగ్ర నాయకత్వానికి ఆమె ప్రత్యేక కృతజ్ఞతలు తెలిపారు. అలాగే ఎండోమెంట్ సెల్ రాష్ట్ర కన్వీనర్ అన్నావజ్జుల సూర్య ప్రకాష్, కో-కన్వీనర్ నిరంజన్ దేశాయ్ మరియు రాష్ట్ర, జిల్లా కమిటీలకు ఆమె హృదయపూర్వక ధన్యవాదాలు తెలియజేశారు.
కమలం గుర్తును విజయతీరాలకు చేర్చడానికి..
ఈ నియామకం సందర్భంగా నూతన కమిటీ సభ్యులు తెలంగాణలో ధార్మిక పరిరక్షణ, పార్టీ బలోపేతం కోసం ముఖ్యమైన అంశాలపై ప్రతిజ్ఞ చేశారు. తెలంగాణలోని పురాతన దేవాలయాల సంప్రదాయాలను, సంస్కృతిని కాపాడటంతో పాటు, ఆలయ భూములు మరియు ఆస్తుల పరిరక్షణకు ఎండోమెంట్ సెల్ పూర్తిగా కట్టుబడి ఉంటుంది. ఎండోమెంట్ సెల్ ఆధ్వర్యంలో ఆధ్యాత్మిక, సామాజిక కార్యక్రమాలను రాష్ట్రవ్యాప్తంగా నిర్విఘ్నంగా నిర్వహిస్తాం. రాబోయే స్థానిక సంస్థల ఎన్నికలతో పాటు, భవిష్యత్తులో జరగబోయే రాష్ట్ర శాసనసభ ఎన్నికలలో తెలంగాణలో కమలం గుర్తును విజయతీరాలకు చేర్చడానికి, పార్టీని అధికారంలోకి తీసుకురావడానికి అహర్నిశలు శ్రమించనున్నాం. భారతీయ జనతా పార్టీ తెలంగాణ రాష్ట్ర అధ్యక్షులు శ్రీ రామచంద్రరావు నరపరాజు సమర్థవంతమైన నాయకత్వంలో, రాబోయే 2028/29 ఎన్నికలలో తెలంగాణ గడ్డపై కాషాయ జెండాను రెపరెపలాడించి తీరుతామని కమిటీ సభ్యులు ధీమా వ్యక్తం చేశారు. ఈ కార్యక్రమంలో నూతనంగా ఎన్నికైన కమిటీ సభ్యులు, పార్టీ కార్యకర్తలు పెద్ద సంఖ్యలో పాల్గొని వనం సుజాతకు శుభాకాంక్షలు తెలియజేశారు.
