కోదాడలో దారుణ ఘటన..గ్యాస్ సిలిండర్ చోరీ చేసి మరీ
సూర్యాపేట జిల్లా కోదాడ పట్టణంలో ఆదివారం మధ్యాహ్నం జరిగిన గ్యాస్ సిలిండర్ దొంగతనం స్థానికులను ఆందోళనకు గురి చేసింది.
గ్యాస్ సిలిండర్ చోరీ
కోదాడలో ట్రాక్టర్ రిపేర్ షాపులో ఘటన!
- గ్యాస్ కొరత వేళ సిలిండర్లపై దొంగల కన్ను
సూర్యాపేట జిల్లా కోదాడ పట్టణంలో గ్యాస్ సిలిండర్ దొంగతనం కలకలం రేపింది. ప్రధాన రహదారి సమీపంలోని ట్రాక్టర్ రిపేర్ షాపు నుంచి గుర్తుతెలియని వ్యక్తి సిలిండర్ను ఎత్తుకెళ్లాడు. ఆదివారం మధ్యాహ్నం జనసంచారం లేని సమయంలో ఈ ఘటన చోటు చేసుకుంది. షాపు బయట ఉంచిన గ్యాస్ సిలిండర్ను చాకచక్యంగా దొంగిలించి పరారయ్యాడు. ఈ దొంగతనం దృశ్యాలు అక్కడి సీసీ కెమెరాలో నమోదయ్యాయి. షాపు యజమాని ఫిర్యాదుతో పోలీసులు దర్యాప్తు ప్రారంభించారు. గ్యాస్ కొరత వేళ సిలిండర్ల భద్రతపై పోలీసులు హెచ్చరికలు జారీ చేశారు. కోదాడలో పగటిపూట దొంగతనాలు పెరుగుతుండడంపై స్థానికులు ఆందోళన వ్యక్తం చేస్తున్నారు.
దిశ, కోదాడ : సూర్యాపేట జిల్లా కోదాడ పట్టణంలో ఆదివారం మధ్యాహ్నం జరిగిన గ్యాస్ సిలిండర్ దొంగతనం స్థానికులను ఆందోళనకు గురి చేసింది. పట్టణంలోని ప్రధాన రహదారి సమీపంలో ఉన్న ఒక ట్రాక్టర్ రిపేర్ షాపు నుంచి గుర్తుతెలియని వ్యక్తి గ్యాస్ సిలిండర్ను ఎత్తుకెళ్లాడు. మధ్యాహ్నం సమయంలో షాపు వద్ద జనసంచారం తక్కువగా ఉండడాన్ని గమనించిన సదరు వ్యక్తి, షాపు బయట ఉంచిన సిలిండర్ను చాకచక్యంగా దొంగిలించి అక్కడి నుంచి పరారయ్యాడు. షాపు యజమాని సిలిండర్ కనిపించకపోవడంతో చుట్టుపక్కల వెతికినా ఫలితం లేకపోయింది. అనంతరం షాపు వద్ద ఉన్న సీసీ కెమెరా దృశ్యాలను పరిశీలించగా, ఒక వ్యక్తి సిలిండర్ను తీసుకెళ్తున్న దృశ్యాలు బయటపడ్డాయి. ఈ ఘటనపై సమాచారం అందుకున్న పోలీసులు సీసీ కెమెరా ఫుటేజ్ ఆధారంగా దర్యాప్తు ప్రారంభించారు. దొంగను గుర్తించే పనిలో ఉన్నామని పోలీసులు తెలిపారు.
పెరుగుతున్న దొంగతనాలు..
ప్రస్తుతం నెలకొన్న గ్యాస్ కొరత పరిస్థితుల్లో ఇలాంటి దొంగతనాలు పెరుగుతున్నాయని పోలీసులు హెచ్చరిస్తున్నారు. వ్యాపార సంస్థలు, ఇళ్ల వద్ద గ్యాస్ సిలిండర్లను జాగ్రత్తగా భద్రపరచాలని వారు సూచిస్తున్నారు. కోదాడ పట్టణంలో ఇటీవల రాత్రివేళల్లోనే కాకుండా పగటి సమయంలో కూడా చిన్నచిన్న దొంగతనాలు పెరుగుతుండడం స్థానికులను ఆందోళనకు గురి చేస్తోంది.
