రాంరెడ్డి దామోదర్‌రెడ్డి ఇంటికి BRS మాజీ ఎమ్యెల్యే

దిశ, తుంగతుర్తి: గత కొంతకాలంగా అనారోగ్యంతో బాధపడుతున్న మాజీ మంత్రి, తుంగతుర్తి మాజీ ఎమ్మెల్యే రాంరెడ్డి దామోదర్ రెడ్డిని మాజీ ఎమ్మెల్యే డాక్టర్ గాదరి కిషోర్ కుమార్ సోమవారం పరామర్శించారు. తుంగతుర్తిలోని దామోదర్ రెడ్డి ఇంటికి వెళ్లి పరామర్శించారు. ఈ సందర్బంగా రాంరెడ్డి దామోదర్ రెడ్డి ఆరోగ్య పరిస్థితిని అడిగి తెలుసుకున్నారు. దామోదర్ రెడ్డిని పరామర్శించిన వారిలో బీఆర్ఎస్ పార్టీ రాష్ట్ర నేత గుజ్జ యుగేందర్ రావు, తిరుమలగిరి మండల పార్టీ అధ్యక్షులు సంకేపల్లి రఘునందన్ రెడ్డి,నాయకులు గుండగాని రాములు, తదితరులు ఉన్నారు.