అక్రమ రిజిస్ట్రేషన్‌పై వేటు.. కట్టంగూర్ డిప్యూటీ తహసీల్దార్ బదిలీ

నల్లగొండ, దిశ బ్యూరో: కట్టంగూర్ మండల డిప్యూటీ తహసీల్దార్ సుకన్యపై బదిలీ వేటు పడింది. చెరువు అన్నారం గ్రామంలోని సర్వే నెంబర్లు 155, 157, 161, 162లలో ఉన్న 6.18 ఎకరాల భూమిని అక్రమంగా రిజిస్ట్రేషన్ చేసిన వ్యవహారంలో ఆమెపై చర్యలు తీసుకున్నారు. ఈ విషయంపై 'దిశ' దినపత్రికలో వచ్చిన కథనానికి స్పందించిన అధికారులు పూర్తిస్థాయి విచారణ చేపట్టారు. అనంతరం, జిల్లా కలెక్టర్ ఇలా త్రిపాఠి గురువారం ఆమెను కలెక్టరేట్‌కు అటాచ్ చేస్తూ ఉత్తర్వులు జారీ చేశారు. ఈ మేరకు కలెక్టర్ ఆదేశాలు వెలువరించారు.