ఆరేళ్ల తర్వాత పునఃప్రారంభమైన కన్నయ్యబావి తండా పాఠశాల

దిశ, కనగల్: కనగల్ మండలంలోని ఇస్లాంనగర్ గ్రామపంచాయతీ పరిధిలో ఉన్న కన్నయ్యబావి తండా ప్రాథమిక పాఠశాల ఆరు సంవత్సరాల తర్వాత సోమవారం పునఃప్రారంభమైంది. ఈ కార్యక్రమానికి మండల విద్యాధికారి వి.పద్మ, గ్రామ సర్పంచ్ హాజరయ్యారు. ఈ సందర్భంగా ఎంఈఓ పద్మ మాట్లాడుతూ.. సర్వతోముఖాభివృద్ధికి విద్య ఎంతో ముఖ్యమని అన్నారు. తల్లిదండ్రులు తమ పిల్లలను సమీపంలోని ప్రభుత్వ పాఠశాలల్లోనే చేర్పించి బడి అభివృద్ధికి సహకరించాలని కోరారు. ఈ కార్యక్రమంలో బిఆర్ఎస్ మండల నాయకులు బోయపల్లి జానయ్య గౌడ్, ఉపాధ్యాయులు శ్రీరాములు, సీఆర్పీ సంపూర్ణ, అంగన్వాడీ టీచర్, వార్డు సభ్యులు, గ్రామ ప్రజలు పాల్గొన్నారు.