తెలంగాణ ప్రజల‌కు సంక్రాతి శుభాకాంక్షలు

దిశ, నల్లగొండ, కలెక్టరేట్ : తెలంగాణ ప్రజలకు రాష్ట్ర శాసన మండలి చైర్మన్ గుత్తా సుఖేందర్ రెడ్డి మకర సంక్రాంతి పండుగ శుభాకాంక్షలు తెలిపారు. సంక్రాంతి రైతుల పండుగని, వానాకాలం పంట కోతలు పూర్తయి ధాన్యం ఇంటికి చేరిన సమయంలో గ్రామీణ సంస్కృతి, వ్యవసాయ సాంప్రదాయాలను అనుసరిస్తూ రైతులు జరుపుకునే పండుగ సంక్రాంతి పండుగ అని చెప్పారు. భోగభాగ్యాలతో "భోగి”, సకల సంపదలతో "సంక్రాంతి", కన్నుల పండుగగా "కనుమ"ను జరుపుకోవాలన్నారు. భోగి మంటలు, గాలి పటాల సందళ్ళతో పాటుగా తెలంగాణ సంప్రదాయ సకినాల పిండివంటలతో ఈ మూడు రోజులు కోలాహలంగా ఉంటుందని వివరించారు. తమ కుటుంబ సభ్యులు, బంధు, మిత్రులతో కలిసి ప్రజలందరూ సంక్రాంతి పండుగను ఆనందంగా జరుపుకోవాలని ఆయన తెలిపారు. ప్రమాదకర చైనా మాంజను వాడవద్దని, పంతంగులు ఎగురవేసి సందర్భంలో చాలా జాగ్రత్తగా ఎగురవేయలని గుత్తా సుఖేందర్ రెడ్డి తెలిపారు.