డ్రైవర్లు రోడ్డు భద్రత నియమాలు పాటించాలి : సీఐ హనుమంతు

దిశ‌, ఆత్మ‌కూరు (ఎం) : వాహనాలు నడిపేటప్పుడు డ్రైవర్లు రోడ్డు భద్రత నియమాలను తూచ తప్పకుండా పాటించాలని ఆత్మకూరు(ఎం) సీఐ హనుమంతు అన్నారు. మోత్కూరు రాయగిరి ప్రధాన రహదారి పై రోడ్డు భద్రత వారోత్సవాలను బుధవారం నిర్వహించారు. ఈ సందర్భంగా సీఐ మాట్లాడుతూ..సెల్ ఫోన్ డ్రైవింగ్, డ్రంకెన్ డ్రైవ్ చేయవద్దని, నిర్దేశించిన వేగాన్ని మించకుండా వాహనాలు నడపాలని తెలిపారు. ఈ కార్యక్రమంలో పోలీస్ సిబ్బంది రమేష్, విజయ్, మల్లేష్, యాకుబ్, నరేష్ పాల్గొన్నారు.