స్కూటీ అదుపు తప్పి యువకుడికి తీవ్ర గాయాలు

దిశ, మిర్యాలగూడ: స్కూటీ అదుపు తప్పి యువకుడికి తీవ్ర గాయాలైన సంఘటన శనివారం పట్టణంలోని సాగర్ రోడ్డు పై జరిగింది. యాద్గార్ పల్లి గ్రామానికి చెందిన గువ్వల శివ తన స్కూటీ పై వస్తున్న క్రమంలో అదుపు తప్పి అంబేద్కర్ విగ్రాహానికి ఏర్పాటు చేసిన ఇనుప మెట్లను వేగంగా ఢీ కొట్టాడు. ఈ ప్రమాదంలో శివ తలకు తీవ్ర గాయాలు కాగా వెంటనే ఏరియా ఆస్పత్రికి తరలించారు. అయితే పరిస్థితి విషమించడంతో చికిత్స నిమిత్తం అతడిని హైద్రాబాద్ కి తరలించారు. ఇనుప మెట్లలోకి స్కూటీ ఇరుక్కున్న దృశ్యాన్ని చూసిన స్థానికులు భయాందోళనకు గురయ్యారు.