NRIs: మెల్బోర్న్‌లో సంక్రాంతి సంబరాలు.. ముఖ్యఅతిథిగా హాజరైన ఎంపీ

దిశ, డైనమిక్ బ్యూరో: తెలుగు సంస్కృతి, సంప్రదాయాలను ఇనుమడింపజేసేలా విదేశాల్లోనూ తెలుగు వారు పండుగలను ఘనంగా చేసుకుంటారనే విషయం తెలిసిందే. ఈ క్రమంలోనే ఆస్ట్రేలియాలోని (Melbourne) మెల్బోర్న్‌లో ముందుగానే సంక్రాంతి సంబరాలు జరుపుకున్నారు. విదేశీ పర్యటనలో ఉన్న భువనగిరి ఎంపీ చామల కిరణ్ కుమార్ రెడ్డి (MP Chamala Kiran Kumar Reddy) శనివారం ఎక్స్ వేదికగా సంక్రాంతి సంబరాల ఫోటోలు పంచుకున్నారు. మెల్బోర్న్ , క్రాగిబర్న్‌లో జరిగిన (Sankranti celebrations) సంక్రాంతి సంబురాలకు మెల్బోర్న్ తెలంగాణ ఫోరం (ఎమ్‌టీఎఫ్) ఆహ్వానం మేరకు ఎంపీ చామల కిరణ్ కుమార్ రెడ్డి ముఖ్యఅతిథిగా హాజరయ్యారు. ఈ సంక్రాంతి సంబరాలలో మెల్బోర్న్ తెలంగాణ ఫోరం ప్రెసిడెంట్ నూకల లక్ష్మీ వెంకట్ రెడ్డి, ప్రముఖులు పాల్గొన్నారు.