మంత్రి కోమటిరెడ్డి వెంకట రెడ్డిని కలిసిన ఎంపీ అర్వింద్

దిశ ప్రతినిధి, నిజామాబాద్ : నిజామాబాద్ నగర శివారులోని మాధవనగర్ ఆర్ఓబీ కి సంబంధించి 15 నెలలుగా పెండింగులో ఉన్న నిధుల కోసం రాష్ట్ర ఆర్ అండ్ బి శాఖ మంత్రి కోమటిరెడ్డి వెంకటరెడ్డిని ఆయన కార్యాలయంలో సోమవారం నిజామాబాద్ ఎంపీ అర్వింద్ ధర్మపురి కలిశారు. ఆర్ ఓబీ కి సంబంధించిన సవరించిన నిధులు రూ. 8.68 కోట్ల కోసం మంత్రితో ఎంపీ విన్నవించగా.. ఆయన సానుకూలంగా స్పందించినట్లు ఎంపీ తెలిపారు. ఈ మేరకు తక్షణమే ఉత్తర్వులు జారీ చేయాలని సంబంధిత అధికారులకు ఆదేశాలు జారీ చేసినట్లు తెలిపారు. ఇందుకు మంత్రి కోమటి రెడ్డికి ఎంపీ అర్వింద్ ధర్మపురి ధన్య‌వాదాలు తెలిపారు.