సన్నబియ్యం లబ్దిదారుల ఇంట్లో ఒక రోజు భోజనం చేయాల్సిందే: మంత్రి ఉత్తమ్

దిశ, వెబ్ డెస్క్: ప్రజా ప్రతినిధులు సన్నబియ్యం లబ్దిదారుల ఇంట్లో ఒక రోజు భోజనం చేయాల్సిందేనని తెలంగాణ రాష్ట్ర మంత్రి ఉత్తమ్ కుమార్ రెడ్డి ( Minister N Uttam Kumar Reddy ) స్పష్టం చేశారు. ఇవాళ సన్నబియ్యం పంపిణీ, రేషన్ షాప్ ల నిర్వహణపై మంత్రి ఉత్తమ్ కుమార్ రెడ్డి సమీక్ష నిర్వహించారు. ఈ సందర్భంగా మంత్రి ఉత్తమ్ కుమార్ రెడ్డి మాట్లాడారు. సన్న బియ్యం పంపిణీ పై కీలక ప్రకటన చేశారు. సన్నబియ్యం విషయంలో ప్రతి పక్షాల ఆరోపణలను అధికార పార్టీ ప్రజాప్రతినిధులు సమర్థవంతంగా తిప్పికొట్టాలని పిలుపునిచ్చారు.

కేంద్రం ( centrol government) ఇచ్చేది దొడ్డు బియ్యమే.. సన్న బియ్యం ఇస్తోందన్నది అవాస్తవం అని ఫైర్ అయ్యారు మంత్రి ఉత్తమ్ కుమార్ రెడ్డి. కేంద్రం ( centrol government) ఇచ్చే బియ్యానికి 20 శాతం ఎక్కువ తెలంగాణ రాష్ట్ర ప్రభుత్వం ( telangana state) చెల్లిస్తుందని చెప్పారు. గతంలో సంవత్సరానికి 24 లక్షల మెట్రిక్ టన్నుల దొడ్డు బియ్యం లబ్ధిదారులకు పంపిణీ చేశామని స్పష్టం చేశారు.

ఇప్పుడు 30 లక్షల మెట్రిక్ టన్నుల సన్న బియ్యం ( Free Rice) సరఫరా చేస్తున్నామన్నారు. ప్రస్తుతం ఏడాదికి రూ. 13,600 కోట్లు ఖర్చు చేస్తున్నామని తెలిపారు మంత్రి ఉత్తమ్ కుమార్ రెడ్డి ( Minister N Uttam Kumar Reddy ). తెలంగాణ రాష్ట్ర ప్రజలకు న్యాయం చేసే దిశగా అడు గులు వేస్తున్నామని పేర్కొన్నారు. ఇచ్చిన హామీ లను అమలు చేస్తున్నామన్నారు. కానీ తెలంగాణ రాష్ట్ర ప్రభుత్వం పై తప్పుడు ప్రచారం చేస్తున్నారని నిప్పులు చెరిగారు.