విమానంలో సాంకేతిక లోపం.. గంటపాటు వెయిట్ చేసిన మంత్రి, ఎమ్మెల్యేలు

దిశ, శంషాబాద్: శంషాబాద్ విమానాశ్రయం నుండి కొచ్చిన్ వెళ్లాల్సిన (6E 6707) ఇండిగో విమానంలో సాంకేతిక లోపం ఏర్పడింది. విమానంలోని ఇంజిన్లో సాంకేతిక లోపం రావడంతో టేకప్ కాకుండా గంటపాటు రన్‌వేపై నిలిచిపోయింది. ఈ ఫ్లైట్‌లో తెలంగాణ మంత్రి పొంగులేటి శ్రీనివాస్ రెడ్డి, ఎమ్మెల్యే తెల్లం వెంకట్రావు, మాజీ ఎమ్మెల్యేలు పైలట్ రోహిత్ రెడ్డి, ఆదినారాయణ, వీరితోపాటు 106 మంది విధానంలో నిరీక్షించారు. ఎయిర్ లైన్స్ అధికారులు స్పందించి గంటపాటు శ్రమించి విమానాన్ని బాగు చేయడంతో తిరిగిపోయింది.