‘బలగం’ మొగిలయ్యకు అండగా మంత్రి హరీష్ రావు

దిశ, తెలంగాణ బ్యూరో : బలగం సినిమాలో అందరికి గుర్తుండి పోయే పాత్ర పోషించిన బలగం మొగిలయ్యకు రెండు కిడ్నీలు ఫెయిల్ అయ్యాయి. కాగా విషయం తెలుసుకున్న హరీష్ రావు స్పందించారు. మొగిలయ్య కుటుంబ సభ్యుల కోరిక మేరకు కావాల్సిన మందులు అందించేలా ఏర్పాట్లు చేయాలని అధికారులను ఆదేశించారు. ఆయన అరోగ్య పరిస్థితి‌పై పూర్తి హెల్త్ చెకప్ చేసి, డయాలసిస్ సేవలు అందేలా ఏర్పాటు చేయాలని వైద్యులకు సూచించారు.

అంబులెన్స్‌లో ఆసుపత్రికి తీసుకు వెళ్లి పరీక్షలు చేసి తిరిగి అంబులెన్స్‌లో ఇంటికి చేర్చాలని వైద్యాధికారులకు ఆదేశాలు జారీ చేశారు. చికిత్స పరంగా అన్ని ఏర్పాట్లు చేయాలని మంత్రి హరీష్ రావు వైద్యులకు సూచించారు. అండగా నిలిచిన మంత్రికి బలగం మొగిలయ్య కుటుంబ సభ్యులు కృతజ్ఞతలు తెలిపారు.